2017, August Shata (07) Ya Shani a Matu, Madu a Kabu Gara Shiga

(Mahte 14: 13-21)

Yesu gaw, Yawhan si mat ai lam na jang, li jawn let dai yang kaw nna pru mat wa nhtawm, shingran katsi ai shara de lagyim sa mat wa ai: shawa masha ni dai na mu yang, shanhte gaw mare shagu hkan na shi hpang de hkarang hku e hkan nang ma ai. Pru wa yang, masha wunawng wuwa kaba hpe shi mu hkrup nna, shanhte hpe matsan dum ai hte shanhte a machyi makaw hkrum ai ni hpe shamai shatsai ya mu ai. Ya shana de du yang, sape ni shi kaw sit sa wa nna, Ndai shara nam mali rai nga ai hte, ahkying mung lai wa sai: shawa masha ni kahtawng hkan e shahpa sa mari la mu ga, shanhte hpe shabawn dat mu, ngu mu ai. Yesu mahtang, shanhte hpe shabawn shara n nga ai; nanhte nan shanhte hpe sha na jaw mu, ngu nna sape ni hpe tsun wu ai: Shanhte chyawm gaw, Anhte gaw muk manga hte nga lahkawng sha, lu ga ai, ngu mu ai. Shi gaw, Dai hpe ngai hpang de la wa marit, ngu wu ai. Shawa masha ni tsingdu hta hkrawn taw nga mu ga shi hkang da wu ai; shaloi dai muk manga hte nga lahkawng hpe shi la nna, lamu de mada yu let dai hpe shaman ya wu ai hte ahkyep alep nna, muk dai sape ni hpe jaw dat wu ai; sape ni mung shawa masha ni hpe gam jaw mu ai. Shaloi shanhte yawng sha nna hkru kat nga ma ai; ngam ai adaw ahkyep ni lahkawn la yang, mung shi lahkawng hpring dem naw rai nga ai. Dai sha ai ni chyawm gaw, numsha hte ma kaji hpe n hti lawm yang, lasha hkrai hkying manga daram rai nga ma ai.

(Matthew 14: 13-21)

When Jesus heard of the death of John the Baptist, he withdrew in a boat to a deserted place by himself. The crowds heard of this and followed him on foot from their towns. When he disembarked and saw the vast crowd, his heart was moved with pity for them, and he cured their sick. When it was evening, the disciples approached him and said, "This is a deserted place and it is already late; dismiss the crowds so that they can go to the villages and buy food for themselves." He said to them, "There is no need for them to go away; give them some food yourselves." But they said to him, "Five loaves and two fish are all we have here." Then he said, "Bring them here to me," and he ordered the crowds to sit down on the grass. Taking the five loaves and the two fish, and looking up to heaven, he said the blessing, broke the loaves, and gave them to the disciples, who in turn gave them to the crowds. They all ate and were satisfied, and they picked up the fragments left over–twelve wicker baskets full. Those who ate were about five thousand men, not counting women and children.